Hjá Herkúlesi er mikil áhersla lögð á fagmennsku og því starfa hér einungis mjög hæfir kennarar sem ná góðu sambandi við nemendur, geta auðveldlega sett sig í spor þeirra og hafa góða og yfirgripsmikla þekkingu á námsefninu.

Kennarar Herkúlesar hafa allir lokið háskólanámi í raungreinum eða verkfræði. Þar kemur stærðfræðin mikið við sögu þar sem henni er beitt á hagnýtan hátt. Kennararnir hafa allir góða reynslu af kennslu í stærðfræði eða tengdum greinum, annaðhvort í formi hóptíma eða einkakennslu.

Kennarar námskeiðanna eru:

	Magnús Júlíusson 26 ára Magnús er meistaranemi í vélaverkfræði við KTH (Royal Institute of Technology) í Stokkhólmi í Svíþjóð. Magnús hefur góða reynslu af kennslu en hann starfaði veturinn 2007 – 2008 sem náttúrufræðikennari við Réttarholtsskóla og kenndi þar 8., 9. og 10. bekk. Árangur nemenda hans í samræmdu prófi í náttúrufræði var góður en meðaleinkunn nemenda var í efstu 5% á landsvísu. Einnig starfaði hann sem stærðfræðikennari í 10. bekk við Hagaskóla á vorönn 2010 við góðan orðstír og hefur fengið til sín fjölda nemenda í einkakennslu. Magnús hefur kennt fyrir Herkúles frá 2010.
	Birgir Urbancic Ásgeirsson 25 ára Birgir er meistaranemi í eðlisfræði við háskólann í Heidelberg í Þýskalandi. Birgir hefur góða reynslu af kennslu en hann starfaði veturinn 2007 – 2008 sem efnafræðikennari í Réttarholtsskóla þar sem hann kenndi 9. bekk og starfaði sem stærðfræðikennari fyrir 9. bekk í Hagaskóla árið 2010. Birgir hefur einnig kennt verklega tíma í eðlisfræði við Háskóla Íslands og fengið til sín fjölda nemenda í einkakennslu. Birgir hefur kennt fyrir Herkúles frá 2010.
	Benedikt Thorarensen 26 ára Benedikt starfar við áhættustýringu Arion banka. Hann lauk meistaraprófi í verkfræði frá tækniháskólanum í Kaupmannahöfn, DTU, árið 2011. Árið 2011 kenndi hann dæmatíma í tveimur verkfræðinámskeiðum við tækniháskólann í Kaupmannahöfn. Benedikt hefur einnig góða reynslu af einkakennslu í stærðfræði. Benedikt hefur kennt fyrir Herkúles frá 2011.
	Sigríður Dís Guðjónsdóttir 25 ára Sigríður Dís er nemi við Háskólann í Reykjavík. Hún lauk BS prófi í iðnaðarverkfræði frá Háskóla Íslands árið 2009 og meistaranámi í lögfræði frá Háskólanum í Reykjavík árið 2011. Sigríður Dís hefur góða reynslu af kennslu en hún kenndi meðal annars dæmatíma í hagverkfræði við Háskóla Íslands veturinn 2009-2010 og hefur tekið að sér einkakennslu í stærðfræði frá árinu 2006. Sigríður hefur kennt fyrir Herkúles frá 2011.
	Rafn Camillusson 27 ára Rafn er meistaranemi í verkfræði við tækniháskólann í Delft í Hollandi. Veturinn 2009 til 2010 starfaði hann sem leiðbeinandi í Ólympíustærðfræði í Landakotsskóla og Árbæjarskóla og unnu nemendur hans til verðlauna bæði í einstaklings- og hópkeppnum. Hann hefur góða reynslu af einkakennslu í stærðfræði og hefur m.a. verið að kenna aukatíma í viðskiptastærðfræði við Háskólann í Reykjavík. Einnig hefur hann kennt einkatíma á bæði grunn- og framhaldsskólastigi við góðan orðstír. Rafn hefur kennt fyrir Herkúles frá 2011.